இயற்கைக்கு மாறான உறவு... அந்த மாத்திரை: நித்திக்கு என்ன ஆச்சு?

இயற்கைக்கு மாறான உறவு... அந்த மாத்திரை: நித்திக்கு என்ன ஆச்சு?

பாலியல் குற்றச்சாட்டு உள்ளிட்ட பல்வேறு சர்ச்சைகளுக்கு பஞ்சமில்லாமல் இருந்து வருபவரும், தன்னை தானே சாமியார் என்று கூறிக் கொள்பவருமான நித்யானந்தா, கடந்த 2019ஆம் ஆண்டு இந்தியாவில் இருந்து தலைமறைவானார்.

கைலாசாவில் முக்தி அடைந்தாரா நித்தி?

இந்தியாவில் இருந்து தலைமறைவான நித்யானந்தா, தனித்தீவு ஒன்றை விலைக்கு வாங்கி அதனை தனி நாடாக அறிவித்தார். அதற்கு கைலாசா என பெயரிட்ட அவர், அவ்வப்போது வீடியோ மூலம் காட்சியளித்து வந்த அவர், அறிக்கைகளையும் வெளியிட்டு வந்தார். மேலும், தனது சீடர்களுக்கு சத்சங்கங்களையும் வழங்கி வந்தார். இதனிடையே, அண்மைக்காலமாக அவர் பற்றிய தகவல் வெளி வராமல் இருந்தது. இதையடுத்து, உடல்நலக் குறைவால் நித்யானந்தா உயிரிழந்து விட்டதாக சமூக வலைதளங்களில் தகவல்கள் பரவின.

திரும்ப வந்துட்டேன்னு சொல்லு

ஆனால், தான் உயிரிழக்கவில்லை என்று தனது முகநூல் பக்கம் மூலம் விளக்கம் அளித்த நித்யானந்தா, தமது புகைப்படத்தையும் அதில் பகிர்ந்துள்ளார். மேலும், தானே கைப்பட எழுதிய கடிதத்தையும் அதில் அவர் இணைத்திருந்தார். அக்கடிதத்தில், “சிவசிவ திரும்ப வந்துட்டேன்னு சொல்லு” என்று குறிப்பிடப்பட்டிருந்தது. மேலும், “நான் சமாதியில் இருக்கிறேன். எனது வெறுப்பாளர்கள் நான் இறந்துவிட்டதாக பரப்பி வரும் வதந்திகளை நம்ப வேண்டாம். நான் உயிரிழக்கவில்லை. வேறு எங்கும் செல்லவில்லை. என்னை சுற்றியுள்ள மக்கள், பெயர்கள், அவர்களின் இருப்பிடம் பற்றிய நினைவுகளை முழுமையாக அறிந்துகொள்ள முடியவில்லை. பேசுவதற்கும், சத்சங்களை வழங்குவதற்கும் இப்போதைக்கு இயலாது. அதற்கு இன்னும் கொஞ்சம் கூடுதலாக நேரம் எடுக்கும்.” எனவும் தனது முகநுல் பக்கத்தில் விளக்கமளித்திருந்தார்.

மிஸ் ஆன தேஜஸ், இன்ஸ்டண்ட் புன்னகை

நித்யானந்தா தனது முகநூல் பக்கத்தில் பகிர்ந்துள்ள புகைப்படத்தில் வழக்கான அவரது தேஜஸ் குறைந்து, உடல்மெலிந்து காணப்படுகிறார். இதனால், அவருக்கு என்ன ஆயிற்று என்று அவரது ஆதரவாளர்கள் குழப்பத்தில் உள்ளனர். ஆனாலும், நித்யானந்தா உடல் நலம் பெற்று விரைவில் குணமடைய வேண்டும் எனவும் அவரது ஆதரவாளர்கள் பிரார்த்தனை செய்து வருகின்றனர்.

இந்தியாவுக்கு கொண்டு வரத் திட்டம்

நரம்பு மண்டலத்தில் பாதிப்பு ஏற்பட்டுள்ளதாக கூறப்படும் நித்யானந்தாவின் உடல்நிலையில் தற்போது முன்னேற்றம் ஏற்பட்டிருந்தாலும் கூட, அவருக்கு உரிய சிகிச்சை அளிக்க கைலாசாவில் வசதி இல்லை. இதனை அவரே தனது முகநூல் பக்கம் மூலம் தெரிவித்திருந்தார். இதற்கு முன்பு ஒருமுறை அவருக்கு வெளிநாட்டில் தான் சிகிச்சை அளிக்கப்பட்டது. எனவே, இந்தியாவுக்கு கொண்டு வந்து சிகிச்சை அளித்தால் குணமடைய வாய்ப்பிருப்பதாக தெரிகிறது. இதுகுறித்து அரசுடன் நித்தியானந்தா தரப்பில் நடத்தப்பட்ட பேச்சுவார்த்தையில், இந்தியாவுக்கு வருவதில் எந்த சிக்கலும் இல்லை; ஆனால், சிறையில் வைத்துத்தான் சிகிச்சை கொடுக்க முடியும் என்று திட்டவட்டமாக தெரிவித்து விட்டதாக சில சோர்ஸ்களிடம் இருந்து தகவல்கள் வருகின்றன.

இயற்கைக்கு மாறான உறவு... அந்த மாத்திரை

இதுகுறித்து நித்யானந்தாவின் முன்னாள் சீடர் ஒருவரிடம் பேசுகையில், “45 வயதாகும் நித்யானந்தாவுக்கு பெண்கள் மற்றும் ஆண்களுடன் என இயற்கைக்கு மாறான உறவு இருந்தது. உறவுக்காக சில செக்ஸ் மாத்திரைகளையும் அவர் அதிகமாக எடுத்துக் கொண்டார். இதனால், பால்வினை சார்ந்த நோய்களால் அவர் அவதிப்பட்டு வந்தார். மருத்துவர்கள் எடுத்துரைத்தபோதும் அவர் கேட்கவில்லை. உடல்நலனில் அக்கறை காட்டாமல் சரியாக மருந்து மாத்திரைகளை எடுத்துக் கொள்ளாமல் இருந்தார். இதுவே தற்போது சிக்கலாகியிருக்கிறது.” என்றார். தானும் நித்தியால் பாதிக்கப்பட்டவர்களில் ஒருவர் என்று கூறிய அவர், வெளியில் பகிர்ந்து கொள்ள முடியாத சில ஆதாரங்களையும் நம்மிடம் காட்டினார்.

நாடகமாடுகிறாரா நித்தி?

கைலாசாவுக்கு சென்ற போது தங்கக்கட்டிகளை கொண்டு சென்ற அவர், அதனை தனது அமெரிக்க உறவுகள் மூலம், வங்கியில் சேமித்து வைத்திருந்தார். அதனை பாதுகாத்து வந்த இருவரும், அவற்றை அபேஸ் செய்து விட்டனர். இதனால், மன உளைச்சலுக்கு ஆளான நித்தியானந்தாவின் உடல்நிலை பாதிக்கப்பட்டு விட்டதாகவும் கூறுகிறார்கள். அதேசமயம், உடல்நிலை மோசமாகி விட்டது என்பதெல்லாம் ஒருவகையான நாடகமே. இந்தியாவில் உள்ள அவரது சொத்துகளை இங்கிருப்பவர்கள் சுருட்டிக் கொள்ள திட்டமிட்டு வருகின்றனர். தற்போது அவரது கையில் பணவரத்து குறைந்து விட்டது. இதனால், உடல்நிலை சரியில்லை என்று கூறி, அனுதாபம் திரட்டி வருகிறார். சிறிது நாட்கள் கழித்து சத்சங்கங்களுக்கு ஏற்பாடு செய்து அதன் மூலம் பணம் திரட்ட அவர் திட்டமிடுகிறார் என்று ஒரு டாக்கும் ஓடுகிறது.

கைலாசா எங்கிருக்கிறது?

தனித்தீவு ஒன்றை விலைக்கு வாங்கி அதனை தனி நாடாக அறிவித்து, அதற்கு கைலாசா என பெயரிட்ட அவர், தன்னை அந்த நாட்டின் பிரதமராக பிரகடனப்படுத்திக் கொண்டார். இந்த கைலாசா தீவு தென் அமெரிக்காவின் ஈக்வெடார் அருகே இருப்பதாக கூறப்படுகிறது. அதேசமயம், கைலாசா அங்கெல்லாம் இல்லை. நேபாள அரசின் கட்டுப்பாட்டில் இருக்கும் இமயமலை அடிவாரத்தில் உள்ளது. அந்நாட்டு அரசுக்கு பணம் கொடுத்து அந்நாட்டு ஆதரவுடன் அவர் அங்கு தங்கியிருக்கிறார் என்றும் கூறுகிறார்கள். ஆனால், நடுக்கடலில் கப்பல் ஒன்றில் அவர் தங்கியிருப்பதாகவும் சிங்கம் படம் வில்லன் ரேஞ்சுக்கு பில்டப் கொடுக்கிறார்கள் சிலர். இதுகுறித்து பெங்களூரு போலீசார் கூறுகையில், நித்தியானந்தாவின் இருப்பிடத்தை நெருங்கி விட்டதாகவும், சரியான நேரம் வரும் போது அவரை கைது செய்வோம் எனவும் கூறுகின்றனர்.