ரேஷன் கடை ஊழியர்கள் பணிச்சுமை... அரசு எடுக்கும் அசத்தல் ஆக்ஷன்!

ரேஷன் கடை ஊழியர்கள் பணிச்சுமை... அரசு எடுக்கும் அசத்தல் ஆக்ஷன்!

தமிழ்நாட்டில் கூட்டுறவு துறையின்கீழ் இயங்கும் 33 ஆயிரம் ரேஷன் கடைகளில் விற்பனையாளர் எடை.யாளர் என மொத்தம் 25 ஆயிரம் பேர் பணிபுரிந்து வருகின்றனர். அதாவது ஒரு கடைக்கு ஒரு பணியாளர்கூட இல்லாத அளவுக்கு ஊழியர்கள் பற்றாக்குறை இருந்து வருகிறது.

இதன் விளைவாக, ஒரே நபர் இரண்டு, மூன்று கடைகளை கூடுதலாக கவனிக்க வேண்டிய நிலை நீடித்து வந்ததால் பணிச்சுமையால் ஊழியர்கள் சிரமப்பட்டு வருகின்றனர்.

ரேஷன் கடை ஊழியர்களின் பணிச்சுமை.யை குறைக்கும் விதத்தில் மாவட்டவாரியாக மொத்தம் 3,300 விற்பனையாளர்கள், 600 எடையாளர்கள் என மொத்தம் 4,000 பேர் விரைவில் நிரப்பப்பட உள்ளனர். இப்பணி நியமனங்களுக்கான அறிவிப்பு விரைவில் வெளியாகும் என்று கூட்டுறவுத் துறை வட்டாரங்கள் தெரிவிக்கின்றன.

கே.என்.நேரு செய்த செயல்... முதல்வர் ஸ்டாலின் செம அப்செட்!

முன்னதாக, மாவட்டந்தோறும் ரேஷன் கடைகளில் உள்ள காலியிடங்களின் எண்ணிக்கைக்கேற்பே 100 - 200 பேரை நியமிக்க மாவட்ட ஆள்சேர்ப்பு நிலையங்கள் மூலம் 2020 - 21 இல் அறிவிப்பு வெளியிடப்பட்டது.

விண்ணப்பதாரர்களிடம் நேர்காணல் நடத்தி ஆட்களை தேர்வு செய்ய திட்டமிடப்பட்டிருந்தது. ஆனால் ரேஷனில் வேலை வாங்கி தருவதாக கூறி, 5 லட்சம் ரூபாய் வரை அரசியல்வாதிகள் வசூலித்ததாக புகார்கள் எழுந்தன. அதனையடுத்து, நேர்காணல் முடிந்த நிலையில் தேர்வானவர்களின் பட்டியல் வெளியிடப்படவில்லை.

பள்ளிகளுக்கு பறந்த எச்சரிக்கை - தமிழக அரசு கிடுக்கிப்பிடி உத்தரவு!

2021 இல் ஆட்சி மாற்றும் ஏற்பட்டதையடுத்து, ரேஷன் கடைகளில் விற்பனையாளர்கள், எடையாளர்கள் பணியிடங்களை நிரப்ப ஏற்கெனவே வெளியிடப்பட்ட அறிவிப்பு ரத்து செய்யப்படும் என்று திமுக அரது அறிவித்தது. மேலும் மாவட்ட வேலைவாய்ப்பு அலுவலங்கள் வாயிலாக பட்டியல் பெற்று இந்த பணி நியமனங்கள் மேற்கொள்ளப்படும் எனவும் அறிவிக்கப்பட்டது.

கொரோனா மூன்றாம் அலையின் காரணமாக தாமதமாகி வந்த ரேஷன் கடை பணிநியமனங்களை விரைந்து முடிப்பதற்கான அறிவிப்பு விரைவில் வெளியாகும் என்று கூட்டுறவுத் துறை வட்டாரங்கள் தெரிவிக்கின்றன.